Suspendido o Desfile do Domingo pola tarde

 A XXVI FESTA DA CACHUCHA MANTÉN O DESFILE DE MEDIODÍA COAS CHARANGAS E FOLIÓNS, E SUSPENDE O DESFILE DA TARDE E A ORQUESTRA, DEBIDO Á PREVISIÓN DE CHUVIA

Debido á previsión de chuvia para este domingo, 1 de marzo, e tendo en conta que hai unha certa probabilidade de que escampe entre as 12,00 e as 18,00 h., o concello tomou a decisión de manter o desfile e animación de rúa do mediodía, coas charangas, folións e entroido de Amoeiro, e suspender o desfile da tarde co resto das comparsas, así como a actuación da orquestra D´Moda.

AVANTAR ACTIVIDADES

Tanto os folións como as charangas animarán a rúa do Paseo tamén pola tarde e debaixo da carpa instalada na Praza Maior.

Este cambio no programa non afecta ao xantar da cachucha e cocido do entroido nos establecementos hostaleiros, que a día de hoxe contan cun número elevado de reservas.