O presidente da Deputación de Ourense pon en marcha esta iniciativa que ten como obxectivo —unha vez que se levante o estado de alarma— activar medidas que favorezan o relanzamento económico, da man dos autónomos, empresarios e do tecido produtivo da provincia de Ourense
A primeira reunión deste comité terá lugar o vindeiro martes e no encontro o presidente Baltar reunirase coas presidentas da Confederación de Empresarios e das empresarias de Ourense, e cos máximos responsables dos autónomos, Federación de Comercio, Sogarpo, Polígono de San Cibrao, e o director territorial de Abanca, “para abrir unha canle de cooperación público-privada que permita recuperar canto antes o pulso económico da provincia”
O presidente da Deputación de Ourense, Manuel Baltar, anunciou a creación dun “Comité do Día Despois”, a primeira iniciativa deste tipo que se expón en España e que o presidente do goberno provincial propón “para planificar a saída económica da crise do coronavirus inmediatamente despois de que se levante o estado de alarma”, explica. O obxectivo desta proposta, afirma Baltar, “é activar medidas que, desde o minuto uno do retorno á normalidade social, favorezan o relanzamento económico, algo que faremos da man dos autónomos, os empresarios e do tecido produtivo da provincia de Ourense”.
A primeira reunión deste comité terá lugar o vindeiro martes, 24 de marzo, un encontro no que o presidente Baltar reunirase coa presidenta da Confederación de Empresarios de Ourense, Marisol Novoa; a presidenta das empresarias de Ourense, María Cabanelas; o presidente da Asociación Empresarial de Profesionais e Autónomos de Ourense, David Martínez; a presidenta da Federación de Comercio de Ourense, Beatriz Gómez; o presidente de SOGARPO, Artur Yuste; o presidente da Asociación de Empresarios do Polígono Industrial de San Cibrao das Viñas, José Antonio Rodríguez, e o director territorial de Abanca, Rubén Saavedra, “para, entre todos, abrir unha canle de cooperación público-privada que permita recuperar canto antes o pulso económico da provincia”, sinala Manuel Baltar.
Baltar expuxo esta iniciativa na reunión telemática que celebrou esta mañá con membros da Xunta de Goberno da Federación Española de Municipios e Provincias (FEMP), unha proposta —pioneira no territorio do Estado— que tivo unha excelente acollida e que outros presidentes provinciais prevén tamén poñer en marcha nos seus respectivos territorios. “Estamos nunha crise pero imos saír dela, e canto antes preparémonos e planifiquemos no ámbito das axudas; as peticións empresariais, as análises económicas e as proxeccións, para ser canalizadores e representantes de todas as iniciativas que neste sentido propóñanse, canto antes fagamos todo isto, antes poderemos dispoñer de medidas para relanzar a economía, e isto pasa por estar á beira das persoas e entidades que xeran riqueza e emprego”, afirma Manuel Baltar.
Paralelamente a esta medida, a Deputación de Ourense segue planificando estratexias para facer fronte á crise do coronavirus ( COVID-19), e o vindeiro luns reúnese o Comité de Seguimento do Coronavirus para analizar a incidencia que está a ter nos 92 concellos da provincia; a atención interna dentro da estrutura de administración provincial, e as medidas que se implementan no ámbito do teletraballo e a teleasistencia. Neste último aspecto, a institución provincial está a reforzar o servizo que presta neste ámbito, para dar acompañamento e información aos usuarios, mantendo así coa poboación máis vulnerable da provincia unha canle de información constante, relativa aos procedementos, actuacións e manejos que deben realizarse como prevención fronte ao virus.
