A Deputación de Ourense reforza a súa estratexia fronte ao coronavirus cunha batería de medidas de acción social destinadas a familias, entidades sen ánimo de lucro, comercio, colectivos máis desfavorecidos, teleasistencia e apoio social aos concellos da provincia, para o que destinará un orzamento de 1,7 millóns de euros, procedentes do remanente de tesouraría, froito da excelencia na xestión económica que leva a cabo na institución provincial.
Trátase de seis liñas de axudas. As máis importantes, para as que se destinan 450.000 para cada unha son: a Acción social. Prestación de servizos COVID-19 para a adquisición de material sanitario e a súa distribución gratuíta urxente, e unha segunda liña denominada Benourense ComerciOU, un programa exprés de axudas económicas para persoas que residan en concellos de menos de 20.000 habitantes e pertenzan a colectivos especialmente vulnerables na actual situación de estado de alama. O obxectivo desta iniciativa é ser un programa exprés-ponte ata que as persoas vulnerables reciban as axudas doutras administracións para gastos en comercio de proximidade. Para acceder a estas axudas deberán cubrir un formulario en liña desde o móbil, solicitude que debe ser validada por un traballador social ou dunha ONG (Cruz Vermella, Cáritas….), e seguidamente envíase ao domicilio da persoa un cartón coa que poderá utilizar até un máximo de diñeiro mensual durante un período limitado.
Outras das importantes iniciativas da Deputación neste ámbito é a acción social de axudas a familias e institucións sen ánimo de lucro, para a cal destina un orzamento de 300.000 euros, e tamén outra partida de 250.000 euros para cooperación cos concellos no relativo ao Servizo de Axuda no Fogar. Ademais, a Deputación de Ourense impulsará unha inxección económica de 150.000 euros para prestación de servizos de teleasistencia na provincia e 150.000 euros máis para desenvolver o programa ?Benourense Veciñ@s, unha iniciativa que ten como obxectivo financiar aos concellos para sufragar até un máximo do 50% das contías que destinarán durante o estado de alarma a cubrir as necesidades dos veciños, que vaian desenvolver durante 2020; comprende iniciativas de servizos colectivos ou de cofinanciación de servizos individuais (como comida a domicilio, entre outras).
A cifra total deste expediente de carácter excepcional de modificación de créditos do orzamento do exercicio 2020, mediante suplementos de crédito e créditos extraordinarios polas consecuencias sociais e medidas urxentes xurdidas polo COVID-19 ascende a 1.700.000 euros, medida que será aprobada no próximo pleno da corporación provincial que con carácter extraordinario celebrarase o próximo 29 de abril, no que se gardará un minuto de silencio polas vítimas do coronavirus.
?Alianza social coa poboación?
Así o informou onte o presidente da Deputación de Ourense, Manuel Baltar, na Xunta de Goberno celebrada para analizar estas e outras cuestións da xestión provincial, centradas principalmente nas consecuencias da pandemia e na estratexia de sanitaria, social e económica que está a desenvolver o goberno provincial para facer fronte á crise do COVID-19. Baltar valora que esta serie de medida sociais, que serán aprobadas no pleno, supoñen unha inxección económica importante para enfrontar a emerxencia social que vivimos a causa do coronavirus na provincia de Ourense. Son medidas coas que pretendemos cooperar coas familias, o pequeno comercio, os concellos e as persoas máis desfavorecidas e vulnerables, a quen a crise sanitaria está a golpear con especial virulencia, e fronte ao cal o goberno provincial está a actuar para xestionar con planificación e eficacia os fondos públicos. Esta alianza social coa poboación de Ourense é a nosa prioridade, expresa o presidente Baltar.
Xunto a estas medidas, a Deputación de Ourense anunciou que dará soporte ao teletrabajo dos servizos sociais municipais que o requiran sobre os programas sociais de ámbito provincial. Neste sentido, Manuel Baltar sinala que debido ao estado de alarma os servizos sociais municipais enfróntanse a múltiples problemáticas, especialmente nos concellos de menor tamaño, e a Deputación quere cooperar para que a xestión dos servizos sociais sexa de máxima eficacia, afirma o presidente, quen comunica a todos os alcaldes da provincia o ofrecemento por parte da institución provincial para colaborar neste tema.
Outro dos servizos que puxo en marcha a Deputación de Ourense é o de Teleasistencia 900, unha modalidade extraordinaria e temporal que ten como finalidade facilitar o acceso -de forma preferente a maiores que vivan sós- a un servizo de teleasistencia exprés cos menores trámites administrativos posibles, observando na súa xestión todas as medidas de protección e seguridade recomendados polas autoridades sanitarias, evitando desprazamentos das persoas solicitantes (ir ao médico a solicitar informes, visitar persoalmente aos traballadores sociais para pedir o servizo, etc.), e evitando igualmente o acceso aos domicilios dos beneficiarios dos instaladores de dispositivos de teleasistencia