Ao Lugar acudiron motoristas pertencentes ao Destacamento de Tráfico de Ourense, G.E. S de Ribadavia e mantemento de estradas
Efectivos do Subsector de Tráfico de Ourense tiveron que ás 14:25 h da tarde hoxe en auxilio dun condutor profesional cuxo vehículo se incendiou tras a deflagración dun pneumático do semirremolque, a rápida resposta dos equipos de extinción evitou maiores consecuencias.
Os feitos sobreviñeron no quilómetro 259,5 á altura de Melón. Tivo coñecemento da incidencia SOS Galicia a través do 112 que activou os recursos necesarios. O camión articulado transportaba no seu remolque packs de bebidas gasosas provenientes en orixe de Marín con destino Córdoba.
A maior parte da estrutura do semirremolque era metálica a excepción do sistema de toldado, factor que contribuíu á retardación na propagación das chamas á carga e resto do vehículo.
Non obstante o Condutor tomo unha inmediata e eficaz decisión para conter as dimensións do sinistro, tras tentar extinguir as chamas con varios extintores de forma infrutuosa, optou polo desenganche da cabeza tractora da súa semirremolque, co que conseguiría afastar os depósitos de combustible das chamas.
A inmediata resposta dos efectivos do G.E. S de Ribadavia permitiu extinguir rapidamente as chamas evitando a súa propagación á contorna, o que xerase un episodio de maiores dimensións.
Fíxose necesario efectuar unha regulación do tráfico ao verse afectado por completo o carril dereito sentido Benavente e para facilitar os labores de extinción, dándose por controlado o incendio ás 15:10 horas. Non obstante o carril permanecerá cortado á espera de que un guindastre de gran tonelaxe poida efectuar o correspondente rescate do vehículo para o seu traslado.
