- Do seguemento dos contactos dun novo caso importado derivouse a detección de tres positivos mais, xa illados e a seguemento a domicilio
- Dos catro contaxios tres son importados e teñen un nexo familiar
Ante os novos contaxios estase a ampliar o círculo de contactos, co obxectivo de limitar o risco de novas infeccións, e tomando as medidas preventivas indicadas nos protocolos aplicables nesta situación.
Unha vez mais, desde a Área Sanitaria de Ourense, Verín e O Barco de Valdeorras instase a poboación a manter a vixilancia e seguir cumprindo as instrucións das autoridades sanitarias: Hixiene de mans frecuente, emprego de máscara e distanza de seguridade e, ante calquera síntoma compatible coa infección, como tose, febre, cansazo…, quedar na casa e evitar o contacto con outras persoas, ata recibir instrucións desde os seus centros de saúde ou PAC. Asemade, ante calquera dúbida poden informarse chamando ao teléfono 900 400 116.