Galicia Calidade incorpora catro novas empresas alimentarias á marca e aumenta o número de produtos certificados, unha delas a cooperativa Viña Costeira
Esta cooperativa do Ribeiro acadou a certificación de Galicia Calidade, dependente da Xunta de Galicia, que avala xa a máis de 400 produtos e servizos de máis de 120 empresas de diferentes sectores.
No sector vitivinícola, Viña Costeira únese ao clube das empresas certificadas coa incorporación de viños elaborados nas súas adegas de Ribadavia e Petín.
Galicia Calidade certifica os produtos e servizos que, pola súa elaboración en Galicia, pola súa materia prima e o seu proceso de produción, cumpran os requisitos establecidos polo selo de garantía.