O C.D. Arenteiro segue ca súa ronda de fichaxes e renovacións

II EDICIÓN COCHES CLÁSICOS NO IRIXO

O C.D. Arenteiro comeza unha etapa renovándose por completo co obxectivo de manterse nos primeiros postos de Terceira División. Despois do temor vivido no pasado mes, ca dimisión da anterior directiva, o clube carballiñés xa ten novo líder, Argimiro Marnotes. Baixo as súas ordes e preparando ó equipo para a temporada incerta que se aveciña, Marnotes fíxose co anterior adestrador do Ourense C.F, Fran Justo. Neste clube logrou chegar de Preferente Sur ás portas do ascenso a Segunda División B, quedándose moi preto do bronce do fútbol español. Agora, ilusionado con este novo proxecto, pretende levar ó Arenteiro ante os mellores. Ao corpo técnico tamén se incorporan, Alex Vázquez e Millán Fernández como adestradores e Nico Lopez, como preparador físico, os catro procedentes do Ourense C.F. e unha incorporación indispensable para que Fran Justo aceptase a oferta do Arenteiro.

A xunta directiva está traballando arreo para formar un equipo potente ó que poñer a adestrar o próximo 24 de agosto, se as circunstancias sanitarias o permiten, para comezar a temporada o 26 de setembro, data proposta pola Real Federación Galega de Fútbol pero aínda sen aprobación da Xunta de Galicia.

XUNTANZA DE CLÁSICOS NO IRIXO

Entre as novas adquisicións do clube verdiblanco están os dianteiros Rubén Arce, Marcos Alonso e Manuel Bardelás. Ademáis, tamén terán ó porteiro menos goleado de Terceira División, Diego García. Arce e Bardelás non é a primeira vez que visten de verde.

En canto ás renovacións, o Arenteiro, polo de agora, confirmou a de Adrián Pol e Adrián Padrón no posto de defensa e Jonatan Magisano, coma dianteiro. Nos próximos días comunicarán os xogadores que completan a plantilla verdiblanca.