Na mañá deste mércores, o alcalde Gonzalo Pérez Jácome, a través das súas redes sociais, realizou unha serie de comentarios que a modo de ver do BNG son de extrema gravidade.
Estaría ven que explicara a que intereses económicos se refire, cando insinúa que son os que están detras do movemento para sacalo da alcaldía.
Fala de pelotazos urbanisticos pero non dí que él aprobou provisionalmente o PXOM que os contén polo que é corresponsable por acción. Se realmente había pelotazos, ¿porqué o fixo?.
Do mesmo xeito fai referencia a concesións municipais “infladas” contra as que, segundo afirma, él estaría tentando loitar. ¿Cantas e cales son esas concesións ás que refire?.
Para o Grupo Municipal do BNG no Concello de Ourense, ambas insinuacións son o suficientemente graves como para que o alcalde explique públicamente a que se está referindo. Estas aclaracións son imprescindibles, pois retratan un concello plagado de irregularidades e intereses espurios, máis o alcalde reiteran os nacionalistas, como en tantas outras ocasións, tira a pedra e esconde a man.