O pasado venres entraban en vigor as limitacións máis duras impostas pola Xunta de Galicia dende o inicio da pandemia: peche permitral de 63 concellos, fin da actividade hostaleira ás 18:00 horas e toque de queda ás 22:00 horas. Aínda sen tempo para valorar o efecto da súa posta en marcha, Sanidade ten hoxe sobre a mesa os peores datos dende marzo: cinco días por riba do milleiro de casos diarios, unha positividade en PCR que dobra o establecido pola OMS e más de 13.000 casos activos. Algunhas das medidas que soan son o peche completo da hostalaría ou o adianto do toque de queda ás 18:00 horas.
Os expertos que asesoran a Sanidade estudan dende a media tarde de hoxe se é necesario implementar de xeito inmediato novas medidas ou se aínda hai marxe para o efecto das postas en marcha. O vicepresidente da Xunta, Alfonso Rueda, espera que se poida evitar un peche total da hostalaría, aínda que asegura que se os datos o avalan, haberá que asumilo. Ademais amosouse partidario de adiantar o toque de queda, aínda que confía en evitar un illamento social completo.