O Concello de Boborás aprobou en pleno unha modificación de crédito para
dar axudas ao sector da hostalaría e do turismo do municipio. Hoxe, o Boletín
Oficial da Provincia publica o extracto deste programa de subvencións, ca
finalidade de axudar ós traballadores afectados polo peche perimetral e por
cese de actividade ó ser un sector dentro dos non esenciais. En total serán 300
euros por autónomo, un total de 15 no municipio, e unha Peme, ascendendo a un
total de 4.800 euros. Estas axudas serán compatibles coas autonómicas e demais
organismos.
O grupo de Goberno toma esta decisión para apoiar o sector máis castigado pola
Covid-19, coa restrición perimetral de mobilidade e tamén co peche da
actividade non esencial. Así beneficiaranse tanto bares, restaurantes e casas
de turismo rural.