Axentes da Policía Autonómica esclareceron un incendio forestal no concello ourensán de Cenlle.
Os axentes do Grupo Operativo de Investigación da sede da Policía Autonómica en Ourense procederon a tomar declaración como investigado ao presunto autor dun lume orixinado o pasado 21 de marzo na parroquia de Esposende do concello de Cenlle.
O incendio produciuse debido ao lanzamento de foguetes sen tomar as medidas de precaución necesarias, o que provocou que o lume se iniciara nunha parcela con abundante maleza. Afectou 0,22 hectáreas de superficie arborada e na súa extinción participaron 1 axente, 2 brigadas, 1 motobomba e 2 avionetas. As dilixencias polo acontecido foron remitidas ao Xulgado de Instrución de Garda de Ribadavia.