O pleno da Deputación de Ourense aprobou hoxe unha modificación de crédito que permite -froito da boa xestión económica da institución que acadou 44 millóns de euros de remanente de tesourería en 2020- destinar fondos á cooperación cos concellos cara á recuperación económica
.- O pleno ordinario da Deputación de Ourense, correspondente ao mes de marzo, celebrado por vía telemática, aprobou hoxe destinar á provincia máis de 20 millóns de euros (20.676.885 €), unha inxección económica que terá nos concellos os principais destinatarios para a reactivación económica na etapa poscovid. A boa xestión económica da institución no pasado exercicio de 2020 –cun remanente de tesourería de 44 millóns de euros- permite levar a cabo este investimento que terá como protagonistas aos gobernos locais da provincia de Ourense, con importantes achegas nos ámbitos da cooperación cos concellos, acción social, deportes, desenvolvemento empresarial e comercial e cultura.
No expediente de modificación de créditos, a maior cantidade vai destinada á cooperación cos municipios: ao redor de 8,5 millóns de euros que teñen como beneficiarios a 76 concellos, máis a entidade local menor de Berán, para desenvolver proxectos en infraestruturas viarias, deportivas ou culturais, áreas empresariais, emprego no rural, servizos a dependentes e maiores, eficiencia enerxética, ou iniciativas na prevención de incendios forestais, entre outros. Neste ámbito de cooperación tamén se destinan outros 300.000 euros para seis mancomunidades de municipios.
O apartado de colaboración institucional é outro dos puntos fortes desta modificación de créditos, en particular coa Xunta de Galicia. Así, a Deputación de Ourense achegará 1,5 millóns de euros para o Centro Galego de Innovación da FP; 790.000 euros -o 1 % do orzamento total da Deputación-, para o fondo conxunto de apoio á hostalería; 150.000 euros para o bono turístico; 450.000 euros no marco do convenio asinado coa consellería de Medio Rural para a adquisición de maquinaria destinada á prevención e loita contra os incendios forestais; e outros 53.000 euros para os plans de emerxencia por seca.
O documento económico aprobado hoxe inclúe achegas de 133.000 euros para fomento do deporte; 478.000 euros para acción social; máis de 680.000 euros para cultura; 750.000 euros para desenvolvemento empresarial e promoción comercial; 53.000 euros para o Consorcio de Turismo da Ribeira Sacra, ou 169.000 para termalismo.
Por outra banda, a corporación provincial tamén deu o visto bo a unha addenda do convenio coa Xunta de Galicia en materia de emerxencias e prevención de incendios, cunha achega de 224.000 euros que implica a creación de dous novos Grupos de Emerxencias Supramunicipais (GES) na provincia: A Veiga e Maceda, pechando así o mapa provincial de emerxencias cun total de 8 grupos e o servizo supramunicipal de Terras de Celanova. A Deputación de Ourense contribuirá ao financiamento dos GES con 1.062.666 euros.
Tamén aprobou o pleno: unha ampliación do prazo de inscrición nos programas de cooperación cos concellos para a limpeza das marxes viarias, mocidade e empregabilidade; a adhesión da Deputación á Asociación Urbs Regia e ao seu proxecto de Itinerario Cultural Europeo “Orígenes de Europa”; instar ao Goberno central a axilizar as obras de reparación e reapertura do túnel do Folgoso da autovía A-52, e unha moción relativa á loita contra as especies invasoras no territorio ourensán.
A totalidade dos acordos do pleno foron os seguintes:
Modificación das bases de execución dos orzamentos do Inorde de 2021
Acordo:
1º.- Aprobar inicialmente a modificación das bases de execución dos orzamentos do INORDE n.º 1/2021, para modificación da base quinta das de execución do orzamento, no relativo á finalidade de subvención nominativa, conforme co cadro seguinte:
| Beneficiario | Nova finalidade | Importe € |
| Confederación empresarial de Ourense (CEO) | Desenvolvemento de accións empresariais , proxectos e gastos de funcionamento 2020-2021 | 75.000,00 € |
| Total | 75.000,00 € |
Modificación de créditos do orzamento 2021 nº 3/2021
Acordo:
1º.- Aprobar inicialmente a modificación de créditos n.º 3/2021 do expediente e das bases de execución do orzamento, co seguinte detalle:
Gastos de investimentos. Suplementos de crédito
| APLICACIÓN | EXPRESIÓN | IMPORTE € |
| 324.11/750.00 | Centro Galego de Innovación da FP. A Xunta de Galicia | 1.500.000,00 € |
| 920.11/632.00 | Pazo Provincial. Edificios e outras construcións | 220.000,00 € |
| 171.11/622.00 | Parques, xardíns e zonas verdes. Edificios e outras construcións | 282.000,00 € |
| 453.11/619.03 | Vías Provinciais. Reparación vías provinciais | 750.000,00 € |
| 453.11/619.01 | Vías Provinciais. Plano base cooperación | 1.500.000,00 € |
| 453.12/622.00 | Parque móbil e maquinaria. Edificios e outras construcións | 136.125,00 € |
| 336.11/789.01 | Protección e xestión do patrimonio histórico artístico. Diocese de Ourense | 18.590,44 € |
| 231.11/789.00 | Acción social. Outras transferencias | 378.000,00 € |
| 453.11/619.03 | Vías provincias. Reparación vías provinciais | 155.648,22 € |
| 450.12/762.01 | Cooperación Provincial. A Concellos subv. Convenios | 8.575.403,97 € |
| TOTAL SC. Gastos de investimentos | 13.515.767,63 € |
Gastos de investimentos. Créditos extraordinarios
| APLICACIÓN | EXPRESIÓN | IMPORTE € |
| 414.11/762.00 | Medio Rural. A Concellos | 450.00,00 € |
| 450.12/763.00 | Cooperación Provincial. A Mancomunidades | 57.000,00 € |
| 414.11/850.00 | Adquisición acción de TRAGSA | 8.000,00 € |
| 334.20/789.00 | Actividades culturais e recreativas. Outras transferencias | 209.472,00 € |
| 334.22/625.00 | Museos. Mobiliario | 48.000,00 € |
| 334.22/632.00 | Museos. Edificios e outras construcións | 70.000,00 € |
| 313.31/627.03 | Termalismo. Plan de sostibilidade turística termal | 169.005,00 € |
| 920.15/627.00 | Arquivo. Proxectos complexos | 50.000,00 € |
| 341.11/627.00 | Promoción e fomento do deporte. Proxectos complexos | 572.000,00 € |
| TOTAL CE. Gastos de investimentos | 1.633.477,00 € |
Gastos correntes. Suplementos de crédito
| APLICACIÓN | EXPRESIÓN | IMPORTE € |
| 171.11/227.30 | Parques, xardíns e zonas verdes. Servizos de mantemento | 55.000,00 € |
| 912.11/226.02 | Corporación Provincial. Información e publicidade | 267.000,00 € |
| 334.19/226.02 | Teatro Principal. Información e publicidade | 19.000,00 € |
| 453.11/227.06 | Vías provinciais. Estudos e traballos técnicos | 250.000,00 € |
| 920.11/227.00 | Pazo Provincial. Limpeza e aseo | 37.676,64 € |
| 334.18/227.00 | Centro Cultural Marcos Valcárcel. Limpeza e aseo | 13.884,96 € |
| 453.12/227.00 | Parque Maquinaria. Limpeza e aseo. | 30.034,04 € |
| 453.12/222.99 | Parque Maquinaria. Outros gastos comunicacións | 70.000,00 € |
| 341.11/482.11 | Fomento do Deporte. Asoc. Deport. Cultural Ribeiro | 6.000,00 € |
| 450.12/462.00 | Cooperación Provincial. A Concellos | 589.365,99 € |
| 450.12/463.00 | Cooperación Provincial. A Mancomunidades | 138.000,00 € |
| 134.11/462.00 | Protección e defensa civil. A Concellos. GES | 224.000,00 € |
| 341.11/482.00 | Promoción e fomento do deporte. Axudas a deportistas | 133.000,00 € |
| 334.20/226.09 | Actividades culturais e recreativas. Actividades culturais | 548.880,00 € |
| 334.20/489.22 | Actividades culturais e recreativas. Outras transferencias. Fundación Vicente Risco | 4.500,00 € |
| 334.20/489.00 | Actividades culturais e recreativas. Outras transferencias. | 307.000,00 € |
| 231.11/489.00 | Acción social. Outras transferencias | 100.000,00 € |
| 334.20/489.21 | Actividades culturais e recreativas. Outras transferencias. Fundación Carlos Velo | 145.000,00 € |
| 231.11/450.00 | Axudas hostalería – axudas autónomos | 790.000,00 € |
| 231.11/450.00 | Bono turístico | 150.000,00 € |
| 912.11/226.08 | Corporación Provincial. Actividades deportivas | 30.000,00 € |
| 912.11/226.01 | Corporación Provincial. Atencións protocolarias e representativas | 35.030,00 € |
| 912.11/226.09 | Corporación Provincial. Actividades culturais | 50.000,00 € |
| 326.11/227.06 | Universidade de Vigo. Traballos realizados por outras empresas e profesionais | 16.890,00 € |
| 313.31/227.06 | Termalismo. Estudos e traballos técnicos | 15.000,00 € |
| 161.11/ 227.06 | Augas e medio ambiente. Estudos e traballos técnicos | 30.000,00 € |
| 920.14/227.30 | Administración electrónica. Mantemento | 115.000,00 € |
| TOTAL SC. Gastos correntes | 4.170.261,63 € |
Gastos correntes. Crédito extraordinario
| APLICACIÓN | EXPRESIÓN | IMPORTE € |
| 162.01/226.02 | Cooperación xestión lixo. Información e publicidade | 90.000,00 € |
| 336.11/227.00 | Patrimonio Histórico-Artístico. Limpeza e aseo | 9.839,06 € |
| 231.11/207.00 | Acción social. Prestación servizos | 100.000,00 € |
| 414.11/462.00 | Medio Rural. A Concellos | 52.500,00 € |
| 431.41/479.01 | Promoción comercial. Outras subvencións a consellos reguladores e outros | 195.000,00 € |
| 326.13/489.00 | Centros docentes de ensino secundario. Outras transferencias | 25.000,00 € |
| 432.11/467.01 | Promoción de turismo. Consorcio turismo Ribeira Sacra | 52.879,75 € |
| 433.00/489.00 | Desenvolvemento empresarial. Outras transferencias | 304.560,00 € |
| 431.11/489.03 | Feiras e exposicións. A Expourense | 65.000,00 € |
| 341.11/479.00 | Promoción e fomento do deporte. Outras subvencións a entidades privadas | 60.000,00 € |
| 912.11/479.05 | Corporación provincial. Outras subvencións La Región | 200.000,00 € |
| 334.20/479.00 | Actividades culturais e recreativas. Outras transferencias a entidades privadas | 17.000,00 € |
| 433.00/489.00 | Desenvolvemento empresarial. Outras transferencias | 60.000,00 € |
| 433.00/489.18 | Desenvolvemento empresarial. Outras transferencias para apoio ao empresariado | 125.000,00 € |
| 231.11/479.05 | Acción social. Subvencións autónomos COVID-19 | 600,00 € |
| TOTAL CE. Gastos correntes | 1.357.378,81 € |
Resumo
| Suma suplementos de crédito | 17.686.029,26 € |
| Suma créditos extraordinarios | 2.990.855,81 € |
| TOTAL MC 3/2021 | 20.676.885,07 € |
Recursos utilizados
| Remanente Tesourería. Subconcepto 870.00 para financiar gastos xerais | 20.676.885,07 € |
2º.- Nas bases de execución do orzamento da Deputación Provincial de Ourense procede concretar o capítulo IV e VII de gastos que se ven modificados neste expediente, polo que se procede á especificación das aplicacións para as que se habilita crédito nesta modificación orzamentaria.
(Nota: nos ditames do pleno figura a especificación das aplicacións para as que se habilita crédito e que se recollen nestas táboas.)
3º.- Aprobar a modificación, no que se refire á especificación dos capítulos IV e VII de gastos, consistente en cinco variacións que non afectan cuantitativamente ao orzamento xeral do exercicio 2021. Estas modificacións refírense ás solicitudes presentadas polos concellos de Vilamarín, Beariz, A Teixeira, Rairiz de Veiga e San Xoán de Río para cambiar a finalidade ou beneficiarios das subvencións concedidas nos ámbitos de cooperación cos concellos e actividades culturais.
Addenda ao convenio de colaboración dos GES
Acordo:
Aprobación da addenda ao convenio de colaboración entre a Xunta de Galicia, a Fegapm e as deputacións, en materia de emerxencias e prevención e defensa contra incendios, para o desenvolvemento dos Grupos de Emerxencia Supramunicipais (GES). A addenda ao convenio supón, polo que respecta a Ourense, a creación de dous novos GES: Maceda e A Veiga, pechando así o mapa provincial de emerxencias con 8 grupos e o servizo supramunicipal de Terras de Celanova. A Deputación de Ourense contribuirá ao financiamento dos GES con 1.062.666 €, ademais doutros 62.000 € para o citado servizo.
Prórroga de adhesión aos plans de limpeza viaria, mocidade e empregabilidade
Acordo:
O pleno deu o visto bo a un novo prazo de 10 días hábiles para a presentación de solicitudes de adhesión ao programa de limpeza das marxes viarias municipais e provinciais, o programa de mocidade e o de empregabilidade. O prazo comezará a contar desde o día seguinte ao da publicación do anuncio dos presentes acordos no BOP.
Participación na asociación “Urbs Regia”
Acordo:
Primeiro.- Manifestar a conformidade cos fins e obxectivos da Asociación Urbs Regia e o seu proxecto de Itinerario Cultural Europeo “Orígenes de Europa”.
Segundo.- Autorizar a participación da Deputación de Ourense na Asociación Urbs Regia, que xestiona o proxecto de Itinerario Cultural Europeo “Orígenes de Europa”.
Terceiro.- Solicitar á Asociación Urbs Regia a incorporación da Deputación de Ourense como socio de pleno, aceptando tanto os dereitos como as obrigas que a asociación posúe para todas as súas entidades asociadas.
Cuarto.- Facultar á Presidencia ou deputado/a en quen delegue, para representar e actuar en nome da Deputación de Ourense nas actividades e órganos de decisión da Asociación Urbs Regia, así como para realizar cantos actos e trámites fosen necesarios para a efectividade da participación da Deputación de Ourense na citada asociación.
Quinto.- Aboar a cota de socio correspondente.
Apertura do túnel do Folgoso da autovía A-52 (sentido Ourense)
Acordo:
1º. Instar ao Ministerio de Transportes, Mobilidade e Axenda Urbana a adoptar cantas medidas e recursos sexan necesarios para axilizar as obras de reparación do túnel do Folgoso da autovía A-52, sentido Ourense, facilitando así o máis inmediato restablecemento do tráfico para paliar o impacto económico e social que o peche deste paso está a provocar no sur de Galicia.
2º. Solicitar ao Ministerio de Transportes, Mobilidade e Axenda Urbana unha detallada explicación dos procedementos e prazos que manexa este departamento para o remate das obras de reparación do túnel.
3º. Instar ao Goberno central á mellora integral das estradas N-120 e N-559, con especial atención á seguridade viaria nos treitos que corresponden aos concellos do Covelo e A Cañiza.
Loita contra as especies invasoras
Acordo:
Axuda económica aos concellos destinada a:
1.- Análise da presenza de especies invasoras no seu territorio.
2.- Campaña de sensibilización pública (que podería ser asumida por cada concello, adaptándose ás súas circunstancias concretas, ou coordinada pola mesma Deputación para casos xerais) para minimizar os efectos que a xardinería, a afección a mascotas, á acuarioloxía, etc. puidese ter en relación ao problema.
3.- Asesoramento técnico sobre posibles medidas de erradicación en cada caso concreto.
4.- Medios (mecánicos, biolóxicos, químicos…) para a erradicación de especies invasoras en espazos públicos.
5.- Subvencións destinadas á erradicación en parcelas privadas por medios axeitados.
6.- Medidas de análise de riscos e de detección precoz de posibles especies que poidan supoñer un problema futuro.
7.- Cambio no xeito de traballo de calquera labor pública de creación ou mantemento de infraestruturas que poidan favorecer a expansión desas especies.
Saúdos,
