Proporcionaranse menús saudables a nenos e nenas de familias en situación vulnerable durante as vacacións escolares
O acto de rúbrica terá lugar o luns ás 10.00 h no Concello de Ourense
O alcalde de Ourense, Gonzalo Pérez Jácome, e o director xerente de Afundación, Pedro Otero, asinarán o vindeiro luns, 28 de xuño ás 10.00 h un convenio de colaboración para a posta en marcha nesta localidade do programa «Cubertos», que proporcionará menús saudables a menores en risco de pobreza ou exclusión social das sete principais cidades galegas durante as vacacións escolares. O obxectivo desta iniciativa de Afundación e ABANCA, co Concello de Ourense, é apoiar ás familias máis vulnerables, especialmente afectadas pola crise da COVID-19, garantindo ás nenas e nenos unha alimentación saudable durante o verán, período no que se interrompen os programas de bolsas comedor.
Evento | Sinatura do convenio de colaboración para a posta en marcha do programa «Cubertos» |
Lugar | Concello de Ourense. Salón de plenos. Praza Maior,1 |
Data e hora | Luns, 28 de xuño ás 10.00 h |
Asistentes | Gonzalo Pérez Jácome, alcalde de Ourense Pedro Otero Espinar, director xerente de Afundación |