En Vigo, reunido o xurado do V Premio Ágora do Orcellón, composto polos seguintes membros:
Presidente:
Avelino Muleiro García (filósofo e director do Instituto de Estudios Carballiñeses)
Vogais:
Emilio Fernández Vázquez (xurista)
Jesús Gulías Lamas (antrolólogo)
José Luis de Luis Gallego (criminólogo)
Mª Carmen Martínez Santos (bióloga)
Antón Pulido Novoa (pintor)
E, actuando como secretaria:
Carmen Rodríguez Cabanas (filóloga)
Acordamos conceder o V Premio Ágora do Orcellón á doutora María Luisa Crespo Leiro, en base aos seguintes méritos:
- Académicos:
- Doutora en Medicina pola Universidade Autónoma de Madrid
- Especialista en cardioloxía polo Hospital Puerta de Hierro de Madrid
- Profesionais:
- Profesora na Universidade de A Coruña
- Responsable da Unidade de Insuficiencia Cardíaca Avanzada e Transplante Cardíaco no CHUAC
- Colaboradora do Centro de Investigación Biomédica na Rede Cardiovascular CIBERCV, pertencente ao Instituto de Salud Carlos III
- Coordinadora do Grupo de Investigación de Insuficiencia Cardíaca Avanzada e Transplante Cardíaco do Instituto de Investigación Biomédica de A Coruña
- Articulista destacada en PubMed
- Membro Honorario Internacional da Heart Failure Society of America (HFSA), en recoñecemento aos seus logros profesionais, á súa capacidade de liderado e ás contribucións á sociedade no eido da insuficiencia cardíaca
- Colaboradora de cursos de formación de enfermería online
- Membro do grupo de traballo Building Research Initiative Group: Chronic Illness Management and Adherence in Transplantation (BRIGHT)
- Humanos:
- Serán tamén as súas cualidades humanas, a súa entrega e dedicación aos pacientes e o seu compromiso coa Sanidade pública as que a fan merecedora deste premio (cualidades recoñecidas con anterioridade polos seus compañeiros do Colexio Médico de A Coruña ao concederlle a máis alta distinción deste organismo: a medalla de ouro e brillantes por unanimidade; ou o nomeamento do Concello de San Cristovo de Cea de Filla Predilecta).
