A comunidade galega rexistra hoxe 1.103 contaxios, un ritmo de novos positivos que se mantén con respecto a onte. O número de casos activos de coronavirus en Galicia a día de hoxe é de 18.643, unha cifra que se incrementa en apenas 20 casos. A ocupación das camas dos hospitais por enfermos covid hoxe presenta un ascenso nos hospitais galegos. Do total de pacientes positivos en Galicia, 52 (+6) están en UCI e 250 (-7) en unidades de hospitalización.
A Área Sanitaria de Ourense, Verín e O Barco de Valdeorras rexistra hoxe 92 contaxios novos, unha trintena máis ca onte, e restando as altas, os casos totais baixan ata os 1.596 casos activos, preto de 60 casos menos. Os hospitais hoxe presentan 31 (-8) persoas hospitalizadas en planta nos tres hospitais da provincia; e 4 (-1) na UCI. Ademais, onte faleceron dúas persoas con patoloxías previas, unha en Vigo e outra en Ourense.