“Encontros de saúde física e emocional para mulleres” é o título do taller que se comezará a desenvolver dende a próxima semana e durante cinco sesións en diferentes parroquias do rural do Carballiño, destinado ás mulleres. Hoxe, a concelleira de Benestar, Igualdade e Sanidade, Lupe Sobrado, presentou esta iniciativa no concello.
As actividades terán lugar nun local social, no que poderán participar as parroquias próximas. Os horarios serán os martes (26 de outubro, 2 de novembro, 9 de novembro, 16 de novembro e 23 de novembro), ás 15:30 no local social de Santa Uxía de Lobás, para as parroquias de Pol, Piteira e Santa Uxía; e ás 18:00 horas no local de Arcos, para as parroquias de Seoane, Uceira e Arcos.
Os mércores (27 de outubro, 3 de novembro, 10 de novembro, 17 de novembro e 24 de novembro) primeiro no de Mudelos, para as parroquias de Veiga, Madarnás e Mudelos; e logo no Bo Día Familia do Carballiño.
E os xoves (28 de outubro, 4 de novembro, 11 de novembro, 18 de novembro e 25 de novembro), primeiro en Sagra, para as parroquias de Mesego, Banga, Cabanelas e Sagra; e logo no Torrón, para as parroquias de Señorín, Partovia e Torrón.
