Esta mañá, o concello do Carballiño, presentou un novo evento deportivo. Trátase da 8ª edición do Extremo Mesego “Paraíso e inferno”, que terá lugar durante esta fin de semana, os días 23 e 24. A concelleira de deportes, Silvia Baranda, destacou a súa importancia, atraendo a visitantes e pilotos de España e tamén de fora.
O sábado, dende as 11:00 horas, reagrupamento e verificacións no campo da festa de Mesego, ás 12:00 horas, Especial Extreme Text en Pena Cobertoira. Pola tarde, dende as 17:00 ata as 21:00 horas, Superenduro na rúa Ben Cho Sei. E o domingo, dende as 09:30 horas ata as 17:30 horas, carreira en Pena Cobertoira.
Nesta rolda de prensa contamos tamén cun dos 90 pilotos asistentes, Eloy Salsen, que se amosa entusiasmado nesta primeira vez que compite nesta proba.
O delegado de deportes da Xunta en Ourense, Fran Justo, destacou a esta proba como un luxo dentro do panorama nacional e felicitou á súa organización.
