Gonzalo Caballero reivindica en Ourense o seu compromiso coa igualdade e anuncia a creación dunha escola de feminismo no Psdeg

II EDICIÓN COCHES CLÁSICOS NO IRIXO

Apela a “un voto masivo e en conciencia” o vindeiro sábado e proclama que “a forza da militancia é imparable”

“Os e as socialistas estamos fronte ás políticas de Feijóo e Baltar sen medias tintas”, subliña Gonzalo Caballero en Ourense

XUNTANZA DE CLÁSICOS NO IRIXO

Gonzalo Caballero participa hoxe nun encontro coa militancia socialista de Ourense dentro da súa campaña de cara ás primarias do PSdeG; un acto no que presentou o seu proxecto para os vindeiros catro anos.

Unha quincena de alcaldesas e alcaldes asistiron o acto, entre eles os de Carballiño, Ribadavia, Castro Caldelas ou Barbadás

Dende alí, reivindicou o seu compromiso coa “igualdade real entre homes e mulleres”, unha das sinais de identidade do seu proxecto, que se caracteriza pola defensa “do galeguismo, do ecoloxismo e do feminismo” e por manter “unha clara orientación de esquerdas” e “un claro compromiso ético e de exemplaridade pública”.

Neste senso, Gonzalo Caballero anunciou a creación dunha escola de feminismo no PSdeG, como un espazo para reflexionar e contribuír á sensibilización e á formación en relación coa igualdade de homes e mulleres.

“Temos que seguir afondando na defensa do feminismo como un piar básico da democracia. Porque non avanzaremos como sociedade se a metade da poboación non ocupa o lugar que merece”, defendeu o socialista.

“COA FORZA DA MILITANCIA”

“Coa forza da militancia, xuntos e xuntas impulsaremos un PSdeG forte, de esquerdas, galeguista, feminista e ecoloxista que sexa a alternativa gañadora ao PP en Galicia”, subliñou Gonzalo Caballero.

Por iso, apelou a “un voto masivo e en conciencia” da militancia socialista. “Coa forza da militancia, o PSdeG é imparable”, concluíu, para deixar claro en Ourense que “os e as socialistas estamos fronte ás políticas de Feijóo e Baltar sen medias tintas”