Araújo pide apoio para estudar a “Variante de Mondariz” na conexión ferroviaria Ourense – Vigo

O portavoz de Ciudadanos no Concello de Ourense asegura que esta alternativa ten un trazado máis curto entre ambas cidades o que supoñería un factor clave para o futuro económico do sur de Galicia

O portavoz de Ciudadanos en Ourense, Pepe Araújo, propuxo a todos os grupos políticos con representación no Concello de Ourense, que se somen a unha moción relativa á futura conexión ferroviaria Ourense-Vigo para estudar unha nova alternativa máis directa entre ambas as cidades, a denominada “Variante de Mondariz”.

AVANTAR ACTIVIDADES

“É importante que teñamos a oportunidade, entre todos, de debater un tema tan importante para o futuro desta cidade como é a conexión ferroviaria entre Ourense e Vigo”, apuntou Araújo quen quixo resaltar que a iniciativa xorde da reflexión proposta polo Foro Liceo e a Plataforma pola Defensa do ferrocarril Vigo a Ourense por Mondariz para estudar un trazado alternativo máis curto e directo que sexa clave para o futuro económico do sur de Galicia.

“É un tema que require do firme compromiso de todos. Pensamos que é o momento perfecto para sumar apoios e levalo a Pleno cunha posición sólida de todos os grupos políticos e defender os intereses económicos da nosa cidade”, insistiu o portavoz de Cidadáns quen solicitou aos portavoces que se somen a esta iniciativa.