Onte, tivo lugar en Santiago de Compostela a clausura do 14º Congreso Socialista Galego. Acudiu Pedro Sánchez, para arroupar ó novo secretario xeral, Valentín González Formoso. Ademais, tamén houbo caras coñecidas, como a alcaldesa de Ribadavia, Noelia Rodríguez, alcaldes, concelleiros e militantes socialistas da nosa contorna. Paco Fumega, alcalde do Carballiño; Catalina González, voceira do PSOE en Castrelo de Miño e Lorena Peleteiro, voceira do PSOE en Punxín, formarán parte dos órganos aprobados no 14ª Congreso do PSdeG.
Paco Fumega formará parte da nova executiva, mentres que a voceira socialista en Punxín, Lorena Peleteiro formará parte do Comité Nacional Galego. Lorena Peleteiro valorou hoxe estas decisións.
