O Concello de Ribadavia quere renovar e mellorar a súa biblioteca

II EDICIÓN COCHES CLÁSICOS NO IRIXO

Falamos da biblioteca referencial na comarca do Ribeiro, con usuarios de toda a comarca, e con máis de 1.000 socios/as, sendo case 200 usuarios infantís.

O Concello ven de aprobar en Xunta de Goberno un Proxecto de renovación total do equipamento para a biblioteca que ascende a 23.527,52 euros. Foi solicitado ao amparo da convocatoria de subvencións da Xunta de Galicia a entidades locais de Galicia, para o equipamento e mellora das instalacións e locais utilizados para a realización de actividades culturais, e se procede á súa convocatoria para o ano 2022.

XUNTANZA DE CLÁSICOS NO IRIXO

Agardamos que sexa aceptada e desde a Xunta de Galicia se axude da mesma maneira que se ten feito con bibliotecas de menor repercusión e alcance que a de Ribadavia.

A biblioteca de Ribadavia ten un gran volume de libros, ademais de actividades relacionadas coa promoción e fomento de libros. O seu horario de luns a venres é de 9h a 13.30 e de 16h a 20.30h.

A nosa biblioteca goza de numerosos recoñecementos e premios, que respaldan a súa boa saúde.  É por iso que o Concello busca mellorala.

A Biblioteca Pública Municipal de Ribadavia cumpre actualmente 59 anos da súa
inauguración (BOE 1963) e uns 26 anos na súa ubicación actual na Casa da Cultura. Desde o Concello gustaríanos poder facer esta renovación xusta e necesaria conseguíndoo para o seu 60 aniversario.

As bibliotecas públicas deben ser atractivas e teñen que deseñarse de modo que
faciliten a circulación, accesibilidade e flexibilidade e tamén, na medida do posible, a
súa ampliación, para facer fronte a incorporacións bibliográficas.

No noso caso, o crecemento natural tanto das coleccións, como da cantidade
de usuarios e servizos, provocou unha saturación dos espazos dispoñibles. Tanto a
capacidade dos depósitos de libros e revistas , como dos espazos de lectura, consulta e
estudio se atopan virtualmente colmados, sobre todo en horario de tarde.

O mobiliario existente na biblioteca non foi renovado dende fai mais de 30
anos, o mobiliario non cumpre as condicións técnicas necesarias nin se adoptou aos
novos tempos no que a tecnoloxía está moi presente nas bibliotecas.