ABANCA e o CRDO Ribeiro colaboran para mellorar o acceso ao crédito e facer fronte aos retos do sector vitivinícola

IES CHAMOSO LAMAS

Ambas entidades traballan de forma conxunta para impulsar a competitividade dos viticultores
▪ Os asociados poderán acceder a alternativas de crédito para investimentos, facer fronte a gastos correntes e para o anticipo de cobro de subvencións

ABANCA e o Consello Regulador Denominación de Orixe Ribeiro veñen de
renovar un acordo de colaboración que pon o foco en dar resposta ás necesidades do
colectivo de viticultores. Grazas ao convenio, os asociados poderán acceder á oferta
completa da entidade financeira para facer fronte ás necesidades do día a día e
afrontar as inversións cun fomento importante da sostibilidade.
O texto foi asinado esta mañá en Ribadavia polo director de zona de ABANCA en
Ourense oeste, Carlos Alberto Díez, e polo presidente do Consello Regulador
Denominación de Orixe Ribeiro, Juan Manuel Casares.
Mediante este acordo, os viticultores poderán acceder a condicións melloradas na
contratación de produtos e servizos deseñados especificamente para este sector, como
pólizas de crédito, préstamos, anticipos, subvencións e impostos, anticipos da
PAC, leasing mobiliario, confirming ou avais, entre outros. Así, ABANCA pon a
disposición dos asociados a súa unidade especializada ABANCA Agro, que conta cun
catálogo de produtos financeiros adaptados ás necesidades do sector do campo e con
xestores especializados. Ademais, poderán gozar das fórmulas de financiamento oficiais
que o banco inclúe nos convenios con diversos organismos públicos, como o ICO ou o
Igape.
Co foco posto na mellora da calidade do servizo que se da aos viticultores e ofrecerlles
unha atención personalizada, ABANCA ofrécelles persoal especializado na xestión de
seguros para darlles asesoramento sobre as pólizas que mellor se adapten ás
necesidades de cada un dos integrantes. Así mesmo, os integrantes da DO Ribeiro terán
acceso ao Programa Servizos ABANCA, que permite aforrar no pago dos servizos
bancarios máis habituais grazas a súa vinculación co banco.
O Consello Regulador Denominación de Orixe Ribeiro ten como principais funcións
amparar e protexer os produtos da súa zona vitivinícola, así como fomentar e controlar
a calidade dos mesmos e promover a marca

OZOCOgz Deseño Galego