Con motivo da celebración do 70 aniversario da fundación das Xornadas de Sam Vicente Paul de San Cibrao da Parroquia do 0 Carballiño, xa que non se puido celebrar o ano pasado, por mor do Covid, tiveron lugar hoxe algúns actos, entre eles a recepción co alcalde do concello do Carballiño, Francisco Fumega, e co remate dunha misa na igrexa da Veracruz.
A Sociedade de San Vicente Paul en España é unha asociación de carácter social humanitario e benéfico, comprometida coa defensa da vida e da dignidade humana. O 5 de abril de 1951 fundáronse as Xornadas de San Cibrao do Carballiño e na actualidade conta con 12 socios, 3 solicitantes, 2 colaboradores e 2 socios de honra. O presidente da entidade en España, Moisés estivo hoxe presente.
As familias necesitadas son atendidas todos os venres, de 9:30 a 13:00 horas, na planta baixa da Casa Parroquial, así como calquera outro día se alguén o requira na Parroquia ou nos Servizos Sociais dos Concellos da Comarca. O delegado técnico no Carballiño fixo fincapé na necesidade de dar a coñecer a súa labor e que máis xente forme parte.
Tamén estivo hoxe a secretaria executiva, Isabel Garzo, puxo en valor o importante de manter vivas as xornada e puxo o exemplo do Carballiño como traballo humilde e en silencio.