O alumnado dos clubes de lectura que tiveron en funcionamento durante este curso 21-22 no IES Manuel Chamoso Lamas, fixeron hoxe un roteiro polo Carballiño facendo paradas diante de sitios e comercios sinalados para ler fragmentos das obras que traballaron nos seus clubes. Foron en total 8 clubes de lectura cun total de 55 alumnas e alumnos implicados ao cargo de 7 profesores.
O acto central foi na praza de abastos, onde se leron textos que denotan cal era o aspecto da praza editados polo autor Xosé Fariña Jamardo na súa guía do Carballiño do ano 1961.
