A Escola Deportiva Terras de Maside presentou esta mañá a terceira edición do DeporCampus, en colaboración co Deportivo da Caruña. Terá lugar na última semana do mes de xuño, e abre a inscrición para todos os que queiran participar, esperando manter o bo número de 40 rapaces do pasado ano.
Presentaron esta nova actividade o coordinador da escola, Juan Romero, e Pablo Barros, coordinador da fundación do Deportivo. Será toda unha semana, en horario de mañá, no Outeiro Grande.
Tamén aproveitaron hoxe para anunciar a apertura da inscrición da Escola Deportiva Terras de Maside, que leva cinco anos en marcha. Este ano estrean unha colaboración para a súa roupa deportiva.
