A plataforma “O Campo da Feira non se pecha” recollerá sinaturas de xeito online

Tras o enorme apoio mostrado pola veciñanza do Carballiño acadando as 1000 sinaturas tanto a pé de rúa  DE FORMA individual, coma nos establecementos comerciais e de hostalaría, entenden que hai otros sectores de poboación ós que é máis doado chegar de forma dixital e por redes sociais que por medios físicos. Polo cal xa están a poñer en marcha una recollida a través da plataforma change.org.

O peche da aula é un tema que a curta afectará a un dos sectores da poboación máis novos e a longa a todos os estamentos sociais de este pobo sen excepción. Polo cal queren facer a súa petición o máis extensible posible e dar a coñecer a problemática e as consecuencias da mesma parao futuro.

AVANTAR ACTIVIDADES

Agardan a mesma resposta que levan tido ata o de agora. Saben que o Carballiño sempre defendeu o seu, e neste caso non vai a ser de outra maneira.