A Xunta de Galicia rematou hoxe con éxito a proba de funcionamento das sirenas de aviso para a poboación dun total de 32 encoros galegos, entre elas a de Castrelo e a de Albarellos.
Para a proba colaboraron os propietarios das infraestruturas, isto é, Augas de Galicia, Alcoa, Endesa, Iberdrola, PHG e Naturgy (antiga Gas Natural Fenosa), así como membros de Protección Civil dos concellos afectados, e o Miño Sil. e Confederación Hidrográfica Augas de Galicia.
En Galicia hai actualmente 45 plans de emerxencia de presas aprobados. Os obxectivos que se perseguen con este tipo de plans son ter definidas estratexias para facer fronte ás situacións que impliquen risco de rotura ou avaría grave, coñecer as zonas que se asolagarían en caso de rotura e dispor de sistemas de alerta tanto para a poboación, así como os organismos de xestión de emerxencias.
