Manuel Nogueira, voceiro do círculo: “a mellor maneira de celebrar o Orgullo e seguir
avanzando en dereitos”
A formación presenta unha requirimento no concello para instar ao Goberno do Estado a
aprobar á maior brevidade a Lei LGTBI e TRANS.
O Círculo de Podemos en O Carballiño vén de rexistrar unha proposta para que a corporación municipal de O Carballiño inste ao Goberno do Estado a acelerar os trámites para a aprobación da Lei Trans e LGTBIQ+.
Segundo Manuel Nogueira “como sociedade temos unha débeda coas persoas LGTBIQ+,
aprobar a lei TRANS e LGTBIQ+ é unha cuestión de xustiza e de respecto dos dereitos
humanos”. Ademais, sinala que “a mellor maneira de celebrar o Orgullo e seguir avanzando en dereitos”.
A formación local morada pon en valor o traballo feito polos colectivos LGTBIQ+ como
“fundamental para a conquista de dereitos e construción dunha sociedade máis igualitaria e xusta”. Ademais, anima á veciñanza a participar nos actos de celebración deste Orgullo 2022 e agradece o seu traballo ás organizacións. Asemade, espera o compromiso da corporación cos acordos propostos, xa que o Concello ten unha “responsabilidade por ser a institución máis próxima as persoas en facer da nosa unha vila diversa e inclusiva”.
REQUERIMENTO
Á ATENCIÓN DO ALCALDE DA CORPORACIÓN MUNICIPAL DO CONCELLO DE O CARBALLIÑO
EXPOSICIÓN DE MOTIVOS
O 30 de xuño de 2005, España fixo historia coa aprobación dunha modificación
no código civil en favor do matrimonio igualitario. Cando o 3 de xullo dese mesmo ano
a lei entrou en vigor, o país converteuse no terceiro do mundo en dar un paso tan
importante no recoñecemento dos dereitos das persoas LGTBI. Aquilo abriu un camiño
sobre o que, pouco a pouco e grazas ao puxo do colectivo nas rúas, foise avanzando
nas conquistas.
Sen embargo, a partires de 2011, coincidindo coa entrada no Goberno do
Partido Popular, este progreso comezou a ralentizarse, como demostran os datos no
mapa e índice Rainbow Europe, que clasifica a situación legal e política das persoas
LGTBI en 49 países europeos e que este 2022 coloca a España no 11º posto, despois
de caer cinco lugares en só un ano e ata nove na última década.
Segundo a Federación Estatal de Lesbianas, Gais, Trans, Bisexuais,
Intersexuais e Máis (FELGTBI+), na actualidade, as principais causas de descenso
nesta lista xiran en torno ao recoñecemento das persoas non binarias e ao dereito á
autodeterminación, sendo que no caso concreto de España, a organización sinala a
desigualdade lexislativa entre territorios como o factor determinante no empeoramento
nas notas do país. E é que hoxe por hoxe, cada territorio conta coa súa propia norma
e Asturias e Castela e León seguen sen aportar ninguna lei autonómica de dereitos
LGTBI. Dito doutro xeito: España precisa aprobar unha lei trans e LGTBI estatal que
iguale á alza os dereitos nas 17 comunidades autónomas e nas dúas ciudades
autónomas.
Por se fose pouco, á parálise lexislativa súmase agora e cada vez con máis
forza a irrupción da ultradereita nas institucións e, con ela, a normalización dos
discursos de odio que avalan a LGTBIfobia. Segundo informes do Ministerio do
Interior, en 2021, os delitos por orientación sexual ou identidade de xénero foron a
segunda causa de delitos de odio en España, e a que máis medra: os incidentes
denunciados o ano pasado foron 477 fronte aos 277 de 2020. En resumo, un de cada
catro delitos de odio en España son contra o colectivo LGTBI.
É de xustiza social que se cumpla o acordo de Goberno e se aprobe unha lei
trans e LGTBI estatal que prevea e elimine a discriminación que sofren as persoas
LGTBI e que, á súa vez, garantice a reparación, pero, tamén, a igualdade real e
efectiva dos seus dereitos, tal e como recolle o artigo 9.2 da Constitución. Que todas,
todos e todes temos o dereito a ser en diversidade e a vivir dignas e libres.
Por todo isto, o Círculo de Podemos de O Carballiño presenta para a súa
aprobación o presente requirimento cos seguintes ACORDOS:
PRIMEIRO. Que a Corporación Municipal inste ao Goberno Estatal a acelerar
os trámites parlamentarios para aprobar a lei trans e LGTBI, a cal:
- Como xa fixo a Organización Mundial da Saúde, recoñecerá que as persoas
trans non sofren ninguna patoloxía e recollerá o expresado na Resolución do
Consello de Europa en 2015 na que se pide aos Estados parte desenvolver
procedementos rápidos, transparentes e accesibles baseados na
autodeterminación de xénero e se recomenda eliminar a obligatoriedade dos
tratamentos médicos ou de diagnósticos de saúde mental para poder acceder
ao cambio de nome e sexo no rexistro.
2. Prohibirá en todo o territorio as chamadas “terapias de reconversión” que non
son máis ca torturas ideolóxicas e que están proscritas por todas as
organización profesionais de referencia así como polo Colexio Oficial de
Psicólogos polos danos que poden provocar.
- Dotará de plena igualdade de dereitos ás mulleres lesbianas e bisexuais no
acceso ás técnicas de reprodución asistida e na filiación das súas crianzas sen
que teñan que recorrer ao matrimonio.
- Incluirá un currículo inclusivo para o alumnado e o profesorado e promoverá
valores de igualdade e non discriminación por orientación sexual ou identidade
de xénero. - Avanzará nas recomendacións establecidas pola Comisión Europea na súa
primeira Estratexia de Igualdade LGTBIQ 2020-2025, incluindo a
transversalidade e a interseccionalidade para os dereitos LGTBI estean
presentes en todos os ámbitos de acción gubernamental. - Garantirá a libre determinación da identidade de xénero para todas as
infancias trans e os dereitos das persoas LGTBI migrantes e/ou en situación
administrativa irregular. - Protexerá os dereitos das persoas non binarias otorgando a posibilidade de
que a casilla referida ao sexo quede en branco nos documentos oficiais.
