Trátase dun proxecto que amosa, a través da mirada de sete fotoxornalistas galegos, o que sucedía onde nós, confinados nas nosas casas, non podiamos chegar
Con estas miradas, Afundación recoñece o importante labor de quen estiveron en primeira liña e de quen, conscientes da responsabilidade da súa colaboración, ficaron nos seus domicilios
Afundación, a Obra Social de ABANCA, presenta mañá, martes 5 de xullo, en Ourense o seu proxecto cultural «Galicia en vilo. Miradas desde o confinamento», en colaboración co Concello de Ourense. Unha proposta na que a fotografía tomará o protagonismo para amosar as situacións e as escenas coas que todo cambiou hai agora dous anos. A presentación a medios terá lugar ás 11.00 h, na avenida de Pontevedra. Contarase coa presenza de Armando Ojea, primeiro tenente de alcalde de Ourense; Paloma Vela, coordinadora adxunta da Área de Cultura de Afundación; e os fotógrafos Miguel Muñiz, Brais Lorenzo e Óscar Corral.
A mostra «Galicia en vilo», situada na rúa Príncipe, recolle as imaxes realizadas por 7 fotoxornalistas galegos que tomaron o pulso ao que estaba a suceder no exterior das nosas casas, exercendo así de notarios da historia para a posteridade. Óscar Corral, Mónica Vila, Agostiño, Brais Lorenzo, Miguel Muñiz, Miguel Riopa e Xoán A. Soler son os autores das fotografías que forman «Galicia en vilo».
| Evento | Rolda de prensa «Galicia en vilo. Miradas dende o confinamento» |
| Lugar | Avenida de Pontevedra, Ourense |
| Data e hora | Martes, 5 de xullo, 11.00 h |
| Asistentes | Armando Ojea, primeiro tenente de alcalde do Concello de Ourense Paloma Vela Garicano, coordinadora adxunta da Área de Cultura de Afundación Miguel Muñiz, fotógrafo Brais Lorenzo, fotógrafo Óscar Corral, fotógrafo |
