O conselleiro, Julio García Comesaña, compareceu hoxe para dar conta das medidas tomadas polo comité clínico na súa reunión de hoxe. A evolución de Galicia en xeral é mellor nos últimos días, a pesar de que se vai ralentizando.
Así, O Carballiño e Ourense cidade mantéñense no nivel medio. Avión, que estaba no nivel medio, baixa o nivel medio-baixo. O conselleiro referiuse á vacinación coma chave para frear os datos, destacando que os novos contaxios son, na gran maioría, mozos sen vacinar.
O vicepresidente da Xunta de Galicia, Alfonso Rueda, e o conselleiro de Sanidade, Julio García Comesaña, mantiveron unha reunión cos representantes da hostalería en Galicia para revisar a proposta realizada o pasado venres.
Alfonso Rueda destacou que o obxectivo do Executivo galego é ter este novo modelo en funcionamento a principios de setembro.
Julio García Comesaña, indicou que haberá tres niveis e que os locais que cumpran un maior número de condicións poderán manter maior capacidade. Lembran a importancia de usar máscara e manter a distancia social, sen esquecer que hai que manter a calidade do aire.
