Un operario tivo que ser trasladado en helicóptero medicalizado ao centro hospitalario de referencia despois de resultar ferido ao ser esmagado por unha máquina na estrada de Castrelo.
O 112 Galicia tivo coñecemento deste accidente laboral contra as catro e media da tarde a través do aviso dun dos compañeiros do operario. Afirmaba que o traballador xa estaba liberado, pero necesitaba asistencia médica urxente. Así, para prestar apoio aos profesionais sanitarios, desde o 112 solicitouse a colaboración dos axentes da Garda Civil e dos membros de Protección Civil de San Cristovo de Cea.
