Semana intensa para o Club Deportivo Arenteiro. Logo da vitoria desta pasado sábado, os verdes teñen que volver ó campo de xogo, e farano de novo na casa, en Espiñedo, mañá mércores. Neste caso, o encontro enmárcase dentro da Copa Federación, na que xa están clasificados na fase nacional. Os que veñen serán tres partidos, que de contar con boa sorte, poderían clasificar ó Arenteiro para xogar de novo o soño da Copa do Rei con equipos de primeira división.
O partido será mañá mércores, ás 20:30 horas, fronte o C.D. Naval Reinosa, de Cantabria. Fran Justo considera que o equipo está preparado para afrontar os retos que veñen, e contando co xogador número 12 do Espiñedo.
