O congreso do Centro de Estudos Chamoso Lamas, que comeza mañá venres, terá unha alta participación

O Centro de Estudios Chamoso Lamas ultima os preparativos do XII Congreso, que se desenvolverá co título de “Valorización e Xestión do Patrimonio Cultural e Medioambital” os días 7,8 e 9 de outubro, e cuxo acto inaugural terá lugar este venres 7, ás 10,30 h na Casa da Cultura do Carballiño.

Esta convocatoria de carácter bianual que organiza a entidade cultural carballiñesa, en colaboración co concello do Carballiño e a Universidade de Vigo, así como do Consello Regulador da Denominación de Orixe Protexida Ribeiro, da Bodega Pazo Tizón e do IES Chamoso Lamas, caracterízase por ter unha alta participación tanto no número de ponentes como no de persoas inscritas, na súa maioría estudantes.

AVANTAR ACTIVIDADES

Así, a previsión final é que o número de matriculacións e asistentes pode achegarse ao medio centenar, incluidos os integrantes e colaboradores do centro de estudios. Tendo en conta o aforo limitado da Casa da Bexanca de Cabanelas, sede da entidade que albergará as ponencias da xornada do sábado 8 e a mañá do domingo 9, pode asegurarse que se ocuparán a práctica totalidade das prazas dispoñibles.

A xornada inaugural do venres 7, tanto de mañá como de tarde, desenvolverase na Casa da Cultura do Carballiño, e a de clausura na tarde do domingo 9 celebrarase na bodega Pazo Tizón de Moldes, polo que nestes lugares amplíase considerablemente o aforo, permitíndose a asistencia ás persoas non matriculadas.

Por un imprevisto de última hora, a conferencia inaugural que ía a ser pronunciada polo historiador carballiñés Felipe Senén o venres 7 ás 20,00 h, será impartida por Xosé Carlos Sierra, historiador, que pertenceu ao corpo facultativo de conservadores de museos do Estado e que foi conservador e director do Museo Etnolóxico de Ribadavia, así como director do Museo das Peregrinacións de Santiago de Compostela e subdirector xeral de Museos e Patrimonio Histórico e Documental, entre otros cometidos.    

HORARIOS DO SERVIZO DE MICROBÚS DO XII CONGRESO CECHL

Empresa A MONTAÑESA

Sábado, 8

Traslado do Carballiño a Cabanelas:

Saída: 08,30 h. Lugar: Avda. Evaristo Vaamonde (fronte ao Templo da Veracruz)

Excursión cultural

Traslado de Cabanelas a Oseira:

Saída: 11,00 h.

Traslado de Oseira á Fábrica do Papel da Lavandeira:

Saída:12,50 h.

Traslado da Fábrica do Papel á Avda. Evaristo Vaamonde:

Saída: 13,50 h.

Traslado do Carballiño a Cabanelas:

Saída: 15,00 h. Lugar: Avda. Evaristo Vaamonde (fronte ao Templo da Veracruz)

Regreso de Cabanelas ao Carballiño:

Saída: 21,30 h.

Domingo, 9

Traslado do Carballiño a Cabanelas:

Saída: 08,30 h. Avda. Evaristo Vaamonde.

Regreso de Cabanelas ao Carballiño:

Saída: 14,00 h.

Traslado do Carballiño a Moldes (Adega Pazo Tizón)

Saída: 15,45 h. Avda. Evaristo Vaamonde.

Regreso de Moldes ao Carballiño:

Saída: 21,00 h.