Juan Míguez Otero, xefe do grupo de voluntarios de Protección Civil do Carballiño, foi distinguido coa medalla de prata ao mérito de Protección Civil de Galicia 2021. O recoñecemento realízano a Vicepresidencia Primeira e o Ministerio de Presidencia, Xustiza e Turismo. Míguez leva tres décadas colaborando co grupo de voluntarios carballiñeses.
Na categoría de ouro, a Vicepresidencia outorga este ano a medalla a todas as agrupacións de Protección Civil de Galicia, pola súa colaboración durante a pandemia.
A concesión destas distincións terá lugar nun acto público na Estrada, que tamén incluirá os de 2019.