Cáritas presta axuda a un total de 600 familias da comarca do Carballiño

A agrupación de Cáritas Parroquial e San Vicente de Paúl do Carballiño está a traballar arreo nestas datas sinaladas para poder atender as máis de 600 familias da comarca ás que prestan axuda, tanto a nivel de manutención coma económico, ó que supuxo un desembolso superior aos 45.000 euros. O responsable deste colectivo, Juan Manuel Estévez, fíxonos un balance do ano que agora remata e agradeceu a colaboración dos veciños e, en especial, das empresas que proporcionan os alimentos que logo distribúen entre as persoas con dificultades económicas.