Manuel Cabezas: “Quero recuperar para Ourense a moderación e o respecto que caracterizan as formas de facer política no Partido Popular”

O candidato popular á alcaldía ourensá asegura que tamén traballará en clave nacional “para que Feijóo vexa España desde o miradoiro de Os Peares como presidente do Goberno”

• “Ourense foi un exemplo durante doce anos”, desde 1995 ata 2007, lembrou Manuel Cabezas na súa intervención, “onde tiven a honra de ser o alcalde da cidade”
• O candidato do PP á alcaldía da capital recoñeceu que hoxe regresa por varios motivos: “O primeiro, pola tremenda deterioración que se produciu na capital a todos os niveis”
• O principal e máis importante problema que se produciu, salientou Cabezas, é “a deterioración moral”, xa que “sen moderación e sen respecto só hai agresividade”
• Cabezas deixou claro neste sentido cales son os seus obxectivos para un novo mandato: “Quero recuperar para Ourense a moderación e o respecto que caracterizan as formas de facer política no Partido Popular”
• Desde o ámbito municipal tamén se fixou obxectivos en clave nacional para contribuír a que Feijóo sexa o presidente de España: “Son o candidato da capital de provincia de Feijóo e no seu pobo natal, Vos Peares, hai un miradoiro que che espera; eu traballarei para que desde alí vexas a España como presidente do Goberno”

AVANTAR ACTIVIDADES