A residencia Alvetus, de Avión, amplía as súas dependencias para 12 novas prazas

O Centro de Servizos Sociais Alvetus, en Avión, ampliará en 12 prazas a súa cobertura residencial para persoas dependentes. As obras comezaron o pasado verán e agora mesmo so falta o equipamento necesario para seguir ca súa actividade. Segundo o alcalde, Antonio Montero, no próximo mes podería estar xa funcionando.

A execución do proxecto supón un investimento aproximado de 200.000 euros, que está financiado pola Deputación Provincial.

AVANTAR ACTIVIDADES

Con estas novas instalacións, o complexo atenderá a un total de 44 persoas: 32 prazas para persoas dependentes e 12 persoas usuarias, neste caso non dependentes na residencia comunitaria anexa.

A oferta de prestacións para os veciños inclúe un servizo de “xantar sobre rodas”, comedor social, axuda no fogar, lavandería, asistencia psicolóxica, cafetería, local social e transporte adaptado.