Este domingo podía ser un día decisivo, un día de celebración, un día histórico. E así foi. O “Derbi Termal” saldouse nesta ocasión no Couto, enfrontando ó C.D. Arenteiro co Ourense C.F.. Máis de dous milleiros de siareiros viaxaron á capital para acompañar ó seu equipo nun día que ninguén se quería perder. Como levan facendo toda a tempada. Una afección envexable, na casa e tamén fora. No minuto 16, Adri Cruz facía temblar o estadio co primeiro tanto, e chegou o empate no 44, co gol de Tiago para o Ourense. A segunda parte foi moi igualada para ambos, e ningún quería perder ese punto, a pesar dunha clara ocasión do Ourense de anotar de novo. Un resultado que valía para asegurar o ascenso directo a Primeira Federación. E que tocaba celebrar.
Comezaron xa no Couto, con toda a afección que os acompañou, e volveron á casa, ó Carballiño, onde xa todo estaba preparado. A súa chegada ó centro urbán nun autobús descapotable foi multitudinaria. Unha masa verde de centos de persoas acompañounos ata o entorno da Veracruz, onde DJ Tibu foi o encargado de guiar a festa. Unha festa que durou horas, de cánticos e momentos compartidos e que continuará este mércores, cunha recepción por parte do concello do Carballiño.
