O PSOE do Carballiño fixo pública a súa lista electoral de cara ás vindeiras eleccións do mes de maio. Fíxoo explicando os piares básicos sobre os que se fundamentaron para a súa elaboración.
“Paco Fumega lidera un equipo de goberno cercano e ao servizo da veciñanza, experimentado e reforzado co obxectivo de continuar impulsando ao Carballiño como vila punteira de Ourense e Galicia en todas as áreas:
Xerando máis Industria e Emprego, coa ampliación do parque empresarial e o apoio ao comercio e á hostalería con novas iniciativas de promoción.
Promocionando o Turismo, coa posta en valor da declaración da Festa do Pulpo como Festa de Interese Turistico Internacional, principal baluarte da proxección turística do Carballiño.
Poñendo en valor o Patrimonio Histórico e Natural, coa apertura da Fábrica do Papel, a nova iluminación artística exterior do Templo da Veracruz e a ampliación do Sendeiro do Arenteiro ata o Bañiño de Arcos para convertelo nun dos percorridos naturais máis emblemáticos de Galicia.
Mellorando as Infraestruturas viairias, coa reforma e humanización das rúas Ourense e Carreira, entre outras.
Ampliando as Zonas de Lecer Infantís, como a nova área recreativa e de xogos infantís de Toscaña.
Dinamizando a Cultura, coa potenciación da programación cultural e o apoio ás asociacións e entidades culturais.
Renovando os servizos públicos da Sanidade e Comunicacións, coa construcción do novo centro de saúde e a estación intermodal.
Proseguindo cos investimentos nas Parroquias para continuar coa mellora das infraestruturas e servizos no rural.
Impulsando o Deporte, coa creación de novas instalacións e mellora das existentes, apoiando o deporte base e ás entidades deportivas.
Reforzando os Servizos Sociais e apostando pola Educación como pilares fundamentais do benestar e futuro do Carballiño.
Optimizando a Xestión Municipal e captando máis Fondos Europeos e das demais Administracións Públicas, para continuar cos proxectos en marcha e impulsar outros novos que contribúan ao progreso do Carballiño”.
1. Francisco Fumega Piñeiro
2. Manuel Dacal Fernández
3. Silvia Baranda Fernández
4. Rosa Fuentes Garcia
5. Diego Fernandez Nogueira
6. Alberto Otero Carneiro
7. Guadalupe Sobrado Pérez
8. Manuel Sotelo Vila
9. María Teresa Domínguez Pérez
10. Rogelio Otero Fuentes
11. Elisa Domínguez Vidal
12. Manuel Gonzalez Iglesias
13. Marina Ortega Otero
14. Andres López Corral
15. Noemi Rabinal Donsion
16. Carlos Nemesio Crespo Filgueira
17. Benjamin Castiñeiras Castro
*SUPLENTES*
1. María nelly Tizón González
2. Manuel Penedo Peña
3. Marisol Pérez Fernández
4. María Dolores Varela Garcia-Ramos
