Manuel Herminio Iglesias
Nestas xornadas de primavera dúas actividades musicais, e plenamente culturais, digo o plenamente, pois a día de hoxe a verba cultura está un tanto prostituída ó enténderse como cultura mover masas acríticas de xente arredor do decibelio festivo, chámanme a atención.
A primeira é a XVI edición do Festival internacional Pórtico do Paraíso que cada ano se celebra nesta provincia e que tan bos concertos de música oferta. Iste ano comezou o cinco de maio e remata o 14 dese mismo mes propondo cinco citas moi interesantes nas que, grupos, solistas e músicas moi distintas ás comerciais sonaran en Ourense. Iste evento musical xa consolidado, é o máis importante que se celebra nesta cidade e que irradia en toda a provincia, pois algúns concertos fanse en vilas e sitios singulares. Polo que pon a esta Auria no mapa onde se programa música de calidade. A segunda actividade é o concerto que o coro ourensán Capela Madrigalista deu no fermoso lugar de Santa Mariña de augas santas o pasado domingo.
No primeiro concerto do Pórtico, o grupo portugués América Antiga Ensemble, deleitou ó público, que enchía o Salon Noble do Liceo. E fixoo con músicas do século XVIII que se tocaban na corte portuguesa e pola súa extensión tamén no Brasil. Músicas con un aire italianizante que lembraban, alomenos ós estudiantes de guitarra, as pezas de Mauro Guilliani. Cantigas populares que introducían ritmos que serían os inicios do que logo sería ó choro e a samba brasileira. Foi un concerto ameno no que a expresividade da soprano, da alto e do barítino animaron a escena cos seus xestos moi acordes co sentir do que alí sonaba. Tanto foi así que, a xente aplaudiu a rabear e saíu moi satisfeita deste primeiro concerto.
A segunda actividade musical foi o domingo día sete, e tivo como marco o fermosa Igrexa de Santa Mariña sita nun cumio que domina o val da Rabeda. O grupo protagonista dese concerto foi o coro Ournesán Capela Madrigalista, coro que ten mais de 36 anos de existencia pois, que eu lembre, comezou a camiñar no ano de 1987 e a día de hoxe conta cunha traxectoria musical moi importante. O evento facíase por mor da celebración do XIX centenario da Igrexa de Santa Mariña e estaba organizado pola parroquia dese lugar.
Iste concerto baixo o nome de América, música de compositores americanos, dividiuse en dúas partes ben diferntes. Na primeira interpretouse a Liturxía Musical de Eugene Butler. Trátase dunha Misa que ten unha característica didáctica; pois o autor fíxoa para a xente xoven. Na segunda escoitáronse pezas de diversos autores, maiormente latinoamericanos como: Piazolla, Antonio Lauro, Matamoros e Gustavino. Foi iste un concerto, ademais de variado, moi dinámico. Pois si na primeira parte, o coro sonaba xunto ó acompañamento de piano con música con harmonías moi actuais; a segunda, foi plenamente coral. Nela os ritmos latinos déronlle un aire e un dinamismo que gustou moito ós ointes. Polo que aplaudiron con insistencia as mentadas pezas. En fin, no alto deste mítico e engaiolante lugar, cunha panorámica fermosa como amplia, chea de policromia vexetal, sonou, o igual que aconteceu no Liceo ourensán a música que fai pensar, que é o arte de mesturar os sons e o tempo. Polo que noraboa ós organizadores destes actos. E que sigan florecendo que boa falla fai.
Outros artigos de Manuel Herminio Iglesias
Moita enerxía sen rentabilidade
Ourense: Sen obxectivos nin proxectos
Ourense, por riba das ideoloxías
Vandalismo, botellóns e desleixo
Dúas maneiras de actuar na política
