O Centro Sociocomunitario do Carballiño manterá algunhas das actividades físico deportivas no verán, pois non queren que o período estival sexa motivo para a inactividade. Serán as actividades dirixidas en horario de mañá (por mor das altas temperaturas das tardes). Pola tarde seguimos contando cos servizos de cafetería e prensa.
Mañá día 1 de xuño abren as inscricións para dous grupos de Ioga e un de Cachibol; o vindeiro luns, será quenda para as inscricións de ximnasia de mantemento (2 grupos) e Pilates. Recordamos a todas as persoas interesadas que as prazas asignaranse segundo a orde de inscrición e que non hai ningún tipo de requisito nin preferencia.
