A 38ª edición da Xornada Mundial da Xuventude da Igrexa Católica celébrase en Portugal do 1 ao 6 de agosto de 2023. É a primeira vez que o evento se celebra en Portugal. Durante estas datas, miles de mozos de todo o mundo congréganse para recibir ao Papa Francisco.
Moitos deles aproveitaron para coñecer a nosa contorna. Durante toda esta semana, diferentes grupos de Ecuador, Honduras ou Nicaragua aloxáronse no ApartHotel Arenteiro e percorreron diferentes puntos da vila acompañados polo tenente alcalde, Manuel Dacal, como a Praza Maior e a súa pulpeira ou o templo da Veracruz.
