A Deputación de Ourense colabora neste evento que se desenvolverá no Museo Obradoiro de Olería de Niñodaguia e que contará con artesáns de Galicia e Portugal os vindeiros 11, 12 e 13 de agosto
Ourense, 9 de agosto de 2023.- O deputado provincial de Turismo, Rosendo Fernández; así como Carlos Gómez (alcalde de Xunqueira de Espadanedo), Agustín Vázquez (presidente da Asociación Cultural Amigos do Barro de Niñodaguia) e Mónica Blanco, (responsable do Museo de Olería de Niñodaguia), presentaron esta mañá na Deputación de Ourense o programa do IX Encontro de Cacharreiros de Niñodaguia.
Este evento, que se desenvolverá entre o 11 e o 13 de agosto, contará con artesáns invitados de Galicia e Portugal. Entre as actividades previstas, destacan visitas guiadas ao Museo Obradoiro de Olería de Niñodaguia, obradoiros infantís, exhibicións de diferentes oficios artesáns e visitas aos fornos tradicionais de Niñodaguia.
Ademáis, o programa completarase cun concerto, o venres día 11 ás 21:00 horas, a cargo de Rocío Caamaño, nas instalacións do museo.
