A 7ª edición da Feira Internacional de Antigüidades, Antiq Auria, pechou as súas portas en Expourense tras tres días nos que 45 expositores de España, Portugal, Francia e Suíza ofrecían miles de antigüidades e obxectos de coleccionismo e vintage. E o público respondeu á súa chamada, rexistrando unha asistencia que superou ás 2.000 persoas.
Esta cita supuxo tamén unha boa oportunidade para os expositores que vendían obras de arte como os cadros de pintores galegos de referencia e estranxeiros.
O obxectivo de Antiq Auria, segundo indica “Memoria Antiga”, organizadores do evento, é “poñer en valor o antigo e que as persoas conserven e coiden as cousas antigas porque forman parte da súa historia”. Ao mesmo tempo, queren promover o hábito de mercar antigüidades.
