A Sala de Xuntas do Pazo Provincial acolleu esta mañá o acto de constitución da Xunta Xeral e do Consello de Administración de AquaOurense, Sociedade Provincial de Augas e Medio Ambiente, SA. Esta constitución enmárcase dentro do marco da renovación dos seus órganos de xestión, prevista cada catro anos. A reunión estivo presidida polo máximo responsable da Deputación, Luis Menor, acompañado polo vicepresidente terceiro e deputado de Administración Provincial, Plácido Álvarez, que será quen asuma a presidencia de ambos órganos por delegación do presidente provincial.
Quedan así renovados os órganos de xestión da empresa mixta AquaOurese, conformada pola Deputación de Ourense e Viaqua. O seu obxecto é a captación, tratamento e distribución de auga para núcleos urbanos como concesionaria provincial na cooperación e asistencia en materia de ciclo hidráulico. Ademáis de fixar proxectos futuro, tamén se analizou o traballo realizado, con grandes exemplos como a consecución de financiación europea para o proxecto “OU-intelixente”, presentado pola Deputación a través da empresa mixta AquaOurense (formada pola propia institución provincial e Viaqua), que se converteu na segunda mellor proposta de España e a primeira de Galicia para dixitalizar a xestión do ciclo da auga, o que suporá contar con 7,75 millóns de euros para aplicar as últimas tecnoloxías ao tratamento e control dun recurso básico e estratéxico como é a auga. E tamén outro exemplo destacado foi o proxecto Ruagua, recientemente premiado a nivel estatal.
