Na actualidade a maioría de edificacións están orientadas ao automóbil, esta situación debe virar e poñer no foco á xente. As novas construcións deben ser sostibles e ter como protagonistas á cidadanía, parques, beirarrúas, edificios… A arquitectura do futuro pasará por unha comunicación verde e limpa, deixando aos coches fóra dos núcleos urbanos potenciando o transporte público. Moitos concellos xa apostan por un plan urbanístico baseado na economía circular, onde os residuos e gases contaminantes perdan peso en contraposición ás zonas verdes e abertas libres de fumes. É unha misión de todos continuar dando os pasos cara á revolución, rehabilitación e revitalización ecolóxica das nosas cidades. Na futura Europa neutra de 2030 os paseos superarán ás estradas e as fontes aos semáforos, así as urbes serán un pouco máis humanas.
Desde a OMIX de Ribadavia queremos aportar o noso grao de area a esta visión e comezamos o ano pasado cun proxecto chamado Comunidade Activa, no que máis de 40 persoas de Ribadavia, colaboraron na recuperación e limpeza da área próxima ao Muiño de Ribadavia no seu paso pola ponte da Foz.
A nosa idea é que, cada ano, poidamos humanizar un barrio ou zona e así ter un proxecto con percorrido e que protagonice as persoas que habitan na nosa contorna e concienciar da importancia de coidar os nosos barrios.
Este ano, ademáis, para dimensionar o proxecto, establecemos unha forte alianza co Museo Etnolóxico de Ribadavia e as áreas de Xuventude e Servizos do Concello de Ribadavia, co apoio da productora Arteficción para crear un híbrido entre o proxecto “Comunidade Activa” e o proxecto RAPDAVIA”, este proxecto, na segunda edición e como resultado desta sinerxia, toma por nome:
RAPDAVIA (Comunidade Activa) e contará con actividades totalmente gratuitas como:
– Graffiti en directo a cargo do artista Dusem https://www.instagram.com/dusem_one/ – Actuación do artista local ACHEhttps://www.instagram.com/achekkkk/– Actuación do artista de Maceda “O Pirata“https://www.instagram.com/santiisfyre/– Actuación da Dj “Kalibass” (Barcelona) https://www.instagram.com/madman_soundsystem/
– Actuación do dj local “El Macius” – Barra con xantar e refrigerio a cargo do colectivo organizador da Copa Ribeiro para recaudar fondos para as actividades anuais que organizan
Actividades con inscrición previa antes do 10 de xuño no correo electrónico omix.ribadavia@gmail.com :
– Actividade para crianzas (tizas de cores con materias orgánicos)- Batalla de Galos
Vide a disfrutar dunha xornada maravillosa O DÍA 15 DE XUÑO e seguido o noso proxecto na nosa web e redes sociais:
https://omixribadavia.wordpress.com/2024/06/04/rapdavia-comunidade-activa/
