En torno ás 05:30 horas desta madrugada, os servizos de emerxencia recibiron aviso dun camión ardendo na autovía A-52 dirección Ourense, na saída 262, á altura de Melón. Trátase dun tráiler que transportaba rodas e o lume comezou na gabarra. As actuacións leváronse a cabo con motobombas forestais que abasteceron de auga aos bombeiros. O proceso de intervención foi longo, en torno ás 08:30 horas aínda estaban os traballos en marcha, pero a situación está xa controlada. Agora comezaron os traballos para desescombrar as rodas para poder deixar a zona despexada o antes posible.
Ata o lugar desprazáronse os bombeiros do Carballiño-O Ribeiro, o GES de Ribadavia e os bombeiros de Ponteareas.
