A Insua dos Poetas acolleu este pasado sábado a 16ª edición da Festa da Palabra. Un evento emblemático que celebra a riqueza da lingua galega e honra a figura literaria destacada de Xosé Luis Méndez Ferrín, premiado este ano. Todos coincidiron en alabar o traballo feito nesta paraxe pola cultura galega.
Este ano, dende o Carballiño, foron varios os premiados, ademais doutros moitos. Nas artes Plásticas, Mercedes Gallego; na música: Lucía Pérez; en Acción Social, Federación Autismo Galicia; en Emigración, Alberto López Barros; en cultura na Comarca, Agrupación Cultural Avantar, que celebra o seu 50 aniversario este ano, e en comunicación, este medio, Badal Novas.
O acto rematou co desvelamento da escultura “Espiral”, unha peza orixinal do escultor Alberto Fernández, que simboliza a creatividade e a diversidade cultural do noso país. O acto rematou co himno galego con música tradicional galega.
