O Mago Paco trae este próximo venres á Biblioteca Municipal a actividade “Maxia Divertida. Contamamaxias”, dentro do programa “Ler Conta Moito” da Xunta de Galicia.
Esta vez, O Mago Paco preséntanos unha morea de contos e historias a través de xogos e da maxia, que levará a nen@s e maiores a descubrir a “maxia divertida” que agochan os contos. Desta volta, este peculiar personaxe, argallou novas maxias engadindo a risa como elemento principal para sorprender ao seu público. Unha proposta pouco convencional para traballar os contos, pero moi, moi divertida!! Poderase desfrutar a diversión do Mago Paco o venres, 30 de agosto ás 11 da mañá na Biblioteca Municipal do Carballiño da Casa da Cultura.Ler conta moito é un programa de dinamización da lectura nas bibliotecas públicas promovido pola Xunta de Galicia en colaboración co Concello do Carballiño
A través deste programa, as bibliotecas integradas na Rede de Bibliotecas Públicas de Galicia ofrecen actividades variadas para achegarlle á cidadanía a lectura e a información dunha maneira lúdica e atraente.Deste xeito as bibliotecas reforzan o seu carácter de espazo aberto, ao tempo que alentan a aprendizaxe e a descuberta a través dos recursos que proporcionan.Ler conta moito ten como obxectivo xeral animar á lectura a través dunha programación de actividades atractivas, vinculadas aos intereses dos distintos colectivos, que faciliten o achegamento aos espazos bibliotecarios.Con este programa preténdese:-Fomentar o hábito da lectura no conxunto da poboación.-Fortalecer o papel das bibliotecas como espazo de relación, aberto e participativo, e como axente facilitador da aprendizaxe permanente e da descuberta de novos temas e inquedanzas sociais.-Consolidar a programación compartida da Rede de Bibliotecas Públicas de Galicia, coa renovación permanente de propostas atractivas e de calidade.-Promover o desenvolvemento cultural como vehículo para o crecemento persoal e colectivo.-Valorar o libro e, en xeral, a lectura como elemento de transmisión de coñecemento e de reflexión.
