Será o domingo ás 17 horas na explanada do Asilo de Maiores do Carballiño
O Club Aehde O Carballiño súmase ao programa festivo do Setembro 2024 e organiza para o domingo 15 de setembro ás cinco da tarde unha exhibición de patinaxe artística na explanada do Asilo de Maiores do Carballiño, no patio que da a rúa Curros Enríquez.
Na actividade combinaranse coreografías grupais e individuais e as asistentes e os asistentes que queiran poderán probar a súa destreza con patíns. O acto é aberto a todo o público e enmárcase dentro da xeira de exhibicións que o club vai desenvolver nas provincias de Ourense e Pontevedra neste inicio de curso.
